忽然發覺好耐冇乜點聽廣東歌走咗去聽英文歌多,唔係又講以前廣東歌好而家渣之類,亦唔係乜嘢其他大原因,只係廣東歌我聽得明英文歌聽唔明,明歌詞講乜又因為多數係情歌再加上個人有少少痴線,乜都可以自憐一番,愈聽愈感傷索性少聽到唔聽到抗拒......又醒起和你分開前幾個月,我係喺度諗緊我們的婚禮上我要唱咩歌?醒呀哩,未雨綢繆嘛......
上面隻歌係我的五大,當然又是和電影電視有關,冇錯,又係世紀末之詩!!
早輪病完之後個頭成日痛,頭暈就話慣哂頭痛就少,同埋痛到雙眼好攰,唔想張開咁......之前講過我肥咗之後雙眼都細埋,原來唔止,連眼珠都好似細埋,三白眼咁,難道真係要痴線......
