時光倒流70年s

  護照到期,雖然少用,但喺正樓下有得換唔係唔換吓嘩?換護照要新證件相,我第1時間想用番兩年幾前你陪我去影嗰輯,但去到職員一睇,先問幅相幾時影(@@哼)再話要俾電腦過目先知用唔用得(先進得佢吖),好彩,最後都用得,嚟緊嗰唔記得幾多年有幅有你的回憶的照片相伴總也不錯......講過幾次,不厭其煩再講多次,講多次拍照的故事:話說電影時光倒流70年入面,男主角在現代看見一幅古舊照片,為相中咀角含春(容我形容得賤格少少)的女主角傾倒著迷......輾轉之下跳到過去,攝影師為女主角拍照,男主角站在攝影師身後和女主角四相交投,女主角微微一笑~咔嚓~就是那幅照片了......我影證件相從來唔笑,仲興懶憂鬱鎖鎖眉,唯獨那次是喜形於色由心笑出嚟,因為你就在我面前......