https://vimeo.com/14192175
其實而家香港變到有地獄鬼國幾多成呢?咁多人泯滅人性?
近排相當不如意,反而變番以前咁追美劇,wayward pines我諗冇咩人睇過,而家美國都好似做到第3集,追睇原因當然係心頭好明星(不是演員)麥迪倫主演(好似首演電視劇),喜歡麥迪倫由佢做青年人偶像開始(早過湯告魯斯出道少少),做咗幾十年戲真係冇乜進步(似足我哋華哥,不是姓劉是姓任那位),但一字記之曰:型.喺套劇入面已經年老色衰唔多有型,內容又故弄玄虛不知所謂,老實說睇落去係得閒,咁嘅劇睇介紹夠膽死同迷離劫(好消息相隔廿幾年終於有第三季,最重要係,繼續有大衛連治)拉上關係,唔計故事手法,剩係態度已相差幾班;另一套劇係一睇就連追兩季嘅House of Cards,話好睇又唔係,不過令人有追看意慾算係咁,從來唔喜歡kevin spacey(尤其討厭整色整水嘅非常嫌疑犯),但呢次做大奸狗偽君子又幾好睇(外地對佢呢次演出好似評價不高),導演有幾個名氣頗大如大衛芬查,祖舒密查,甚至茱迪科士打,芬查最大供獻相信是套劇畫面主調藍黃之爭,頗有趣.
之前想過如果夢見你就寫一篇blog,殊不知夢見你的密度頗高,都唔知寫唔寫好......
點解咁耐無見你仲可以成日夢見佢既??近排有無搵佢呀?
回覆刪除點解？掛住佢囉，
刪除4月16日後冇搵過，之前搵都冇覆過，請教吓你，佢whatsapp幅相幾年冇轉過會有咩原因？
咁你4月16日搵佢你借頭借路講咩架?
刪除唔......睇下幅相係咩喇....佢自己個樣定其他?
有可能懶換(多數人)..有可能佢鐘意
你可能覺得無聊,我問佢記唔記得2002年4月16日下晝三點前嗰一分鐘?因為我講過因為佢我會記得嗰一分鐘(嗰分鐘我同佢傾電話).
刪除好彩,得呢啲原因咋,我幾驚會有咩咩黑名單之類佢唔俾我睇佢啲嘢(縱使係咁表面嘅嘢).
WOW....你咁問人......我諗.....佢唔應你都係...好正常
刪除應該WHATSAPP無呢個功能喎...FB就難講
咁又係,我記住嘅嘢佢應該唔再記得......
刪除幾驚有呢個功能,解開我心結,多謝你
其實呢件事又真係好難會記得............要熱戀中既情侶先會記得.....
刪除er....咁你依家舒服d有咩打算....
咁又唔係喎,嗰幾年我成日講(因為係電影對白),印像應該幾深刻......
刪除......你真係考起我,呢排有啲事忙緊(唔好嘅事),過咗先算......
如果真係咁深刻又咁甜蜜既野你咁whatsapp佢....俾我都唔會覆
刪除都唔知覆你話記得好定唔記得好
一年嚟佢覆過兩隻字俾我咋.
刪除可否透露係邊兩隻字??
刪除咪就係n同o兩隻字囉，再對上一次覆我係13年10月15日！
刪除覆我兩隻字係我搬屋時搵到佢兩對鞋問佢仲要唔要？
但我肯定你係無dum佢哥兩對鞋囉
刪除錯啦,天意弄人,我洗乾淨兩對鞋拎去曬乾,第二日本來會再返去舊屋多一次,點知原來係最後一日,再點知原來屎忽鬼自己返去攞嘢,我叫佢記得幫我攞番兩對鞋,點知因為落大雨佢話冇攞到........點解我唔攞返新屋度先洗呢????又少多樣嘢......
刪除華...咁真係........但呢個係上天安排...
刪除咁個天都想你慢慢忘記佢
我話上天安排,天意如此都係想自己好過啲啫......咁多方法我係行最蠢嗰步,所以連兩對鞋都保唔住,縮影乎?
刪除你番左黎未架?
刪除我早你少少,星期日夜晚十點返到機場
刪除同一條行李帶都係大板,仲見到上山安娜.
刪除我係夜晚8點到機場~
刪除上山安娜?邊位?
刪除大你少少就係爭嗰少少,如果你大一兩年應該知道上山安娜係乜水?簡單講係1個鬼鬼哋藝人囉
刪除我淨係識上山詩納咋
刪除咦,原來你寸緊我架?同一個人只係改咗名
刪除唔係呀第一野真係唔知你講邊個
刪除之後get到~
又話番黎寫新blog既
回覆刪除呢篇好長,我刪減緊......
回覆刪除0我~原來有做緊野
刪除因為呢篇係講啲唔好嘅事......我刪減大量個人感受......
刪除咁你都係呢度記錄自己感受je.....使咩刪
刪除......刪嗰啲多數都係和她有關,唔知點解我慢慢覺得自己唔配提起"她"......
刪除