細個愛睇"壽星仔"漫畫,很記得一個章節"猶山節孝",唔係特別好笑而係講嘅嘢好匪夷所思,好荒謬(大個之後對同名電影和背後有了丁點認識是後話),估唔到,早輪我做了一件相似(我認為)的事,我和衰公去了某地方,他的成長地方,他將會在那裡定居.
我全家人都好奇怪,唔正常就肯定,我和衰公關係......細個時人哋x我老母係冇乜反應,個母之轉做豆字就會開你拖(其實唔知點解,嗰陣(小學時)佢一年都係得一兩個月喺香港)......到了近年,對佢係恨之入骨,偏偏近呢一年我就辭職算係照顧佢,因為呢一年佢身體急劇退化,甚至患了老人痴呆......佢把口臭脾氣大,我都咁上下,所以經常嗌交,後來多數變成我鬧佢,因為瀨屎瀨尿,直到有次我鬧鬧吓佢有聲冇氣的答我:你鬧啦,之後,我接近冇再向過佢發脾氣(相反佢最錫嗰個就利害咯)......之後,佢身體再差,大阿哥,家姐,阿媽商量後說送佢去某地住阿媽屋企,請人照顧佢......呢度長篇囉......繼你離開後,再一次赤裸裸接受自己係幾咁冇用,冇錢冇能力喺香港照顧佢,要佢去阿媽度-去佢一世人最憎最痛恨嘅人屋企度住,還附送光環.如果佢仲有意識一定唔會肯(而家係冇),佢哋所謂恩怨......就算阿媽冇嘢,衰公都一定永遠同你死過,對大阿哥同家姐嚟講當然喺邊度都冇乜分別(廿幾年見得兩三次),而我日日對住衰公,完全知道佢係幾咁痛恨阿媽(我相信未患病前佢哋再遇係一定有血案)......都唔知講咗去邊,最後,而家衰公住喺嗰度,有工人和看護照顧,唔拉更嘅親戚大讚阿媽好嘢......最後我發現,原來我都唔係咁憎佢啫,臨別時(返香港)我很難過,不為其他.
p.s.諗番我的成長,衰公都好少出現,最記得係佢狂打我,同埋有次喺街撞到,佢帶我去八佰伴買咗部單車俾我.......大個啲,只要佢喺香港就日日車我返學......再大啲,差唔多日日遊車河,西貢的鹽焗雞腳,元朗飲茶,周圍買六合彩,呀,還有,好細個好細個時夜晚山長水遠帶我去觀塘食麵.
再p.s.我發現原來冇想像中咁憎衰公,曾懷疑:都就快四年啦,自己其實係咪真係咁掛念你?最後答案是絕對的,因為我相信眼淚不會說謊.
唉....天下無不是之父母...
回覆刪除睇完你呢篇我都明你難受既地方........唔怪得你哥次咁突然又去哥個你唔鐘意既地方啦........得閒去探下爸爸啦.....你諗下...你諗番以前同佢既點滴....都係好既多過唔好............唔好等無得再見先黎後悔........乖啦..大個仔喇
依家得番你一個人住?
咪喊啦...喊左咁多年都仲唔let go...你真係好固執呀
恕我不能同意,要數佢哋(係佢哋,兩個人似得好交關好緊要)就冇謂,我咁鍾意反省嘅人逐件事秤我都覺得佢哋係......幾特別!!不過講到尾原來除了她還有其他人可令我有點點感覺.
刪除同屎忽鬼(我阿哥)+達達住!!
唔到我控制,睇/諗到好多嘢就自自然然聯想到佢,眼淚就會不自覺流出嚟,身體自然反應咁......
咁依家你又唔使照顧你阿爸喇....咁依家有咩做??咪好閒?
刪除我家姐話下個月有嘢俾我做,聽住先
刪除叫你過美國呀?
刪除近排唔見你個姪女..定兒姪女番黎行下既~
基本上係迫我過去，但我盡拖……喺香港都有嘢俾我做，不過家姐同老豆老母一樣係車大炮王者（佢聰明一點同據聞改好咗）。都係嗰句聽住先。
刪除琪琪吃喝玩樂唔得閒，早排幾舊水美金去歐洲玩成個月，又同家姐嗌大交離家出走轉頭變乖乖女返嚟，好爽
下..迫你過美國?其實如果你唔想過去又無人迫到你既.......
刪除幾舊水玩成個月??????????????????琪琪好叻女!!
......應該咁講,如果我有用啲,或者仲係同佢一齊就迫我唔到,而家......阿媽家姐係認為只要佢哋諗嘅出發點係為我好我就要照做......
刪除琪琪童年非常坎坷......而家好衰唔衰有少少似家姐古古惑惑,但係非常非常蠢.
其實你咁個人...前路可以由你自己決定je~點都好~希望你做到你認為舒服同開心既野~
刪除好難諗喎...又古惑..但係又蠢~
共勉之.
刪除吓,周圍好多呢啲人嗰喎,唔好彩嘅係我屋企特別多.
咁佢古惑得黎得唔得到佢自己想要既效果先?如果得...咁就唔叫蠢
刪除唔得,次次俾人睇穿或露出馬腳,唔講第二樣,剩係講大話,首要條件係好記性,佢完全冇.
刪除